بريوش روووعة
بريوش روووعة
المقادير:
500 غرام طحين.
بيضة.
2 معالق كبارزبدة.
2 معالق كبارسنيدة.
نصف كاس حليب.
1خميرة لحلوة.
ملح .
خميرة لخبز حسب لجو.
ماء دافي .
لفاني 1.+معلقة كبيرة حليب غبرة +معلقة صغيرة خل.
للحشوة :
120 غرام زبدة عادية أو زبدة خاصة بالتوريق.
+2 معالق كبار زيت
الشكلاط أولفرماج أو…أنا ستعملت لكريم باتسيير
اضفت عليه قطعة متوسطة من الشكلا ط لي فيه نسبة عالية من لكاكاو كيجي لذيذ مثل نوتيلا .أهاد لكريمة خاصها تبرد كتجمع يعني ممكن نهزوها بالأ صابع ونضعها فوق لعجين.
الطريقة: نأخد لحليب دافئ + زبدة ونحركها فيه حتى دوب .نضع حفرة وسط طحين نضيف جميع لمقادير ونخلط +لماء حسب لعجين خاصها تكون خفيفة كتلسق في ليد ندلكوها نتركها تخمر . ثم نقطعها على 4 كريصات .ندوب الزبدة أنخلطها مع زيت.نأخد كل كرصة ونسرحها بشوية طحين على شكل دائري نأخد مقدار من زبدة مع زيت وندهن به وجه لعجين.ثم نسرح التانية وندهنها بخليط زبدة وزيت.كذلك لكرصة الثالثة …أماالرابعة مكندهنوهاش. نتركهم يرتاحو5 دقائق ونسرحهم بشكل دائري كبير ثم نقطعهم مثل لبيتزا.كيكونو مثلثات كباركتعطينا 8 لقطع. نأخد كل قطعة نضع فيها لكريمة في لجهة لعريضة على طولها ونلووها مثل كرواصة كبيرة .وهكذا لباقي لقطع . ثم نأخد كل قطعة نقسمها على 2 .نأ خد مول دائري متوسط لحجم ندهنوه ونفرش فيه ورق الزبدة .ثم نضع كل قطعة في لمول لجهة لعريضة كتكون منها لمول وهكذا حثى نكمل الدائرة ونضع قطعة في لوسط واقفة ونضغت عليها شوية . نغطيوهم نخليهم إخمرو.نشعلو لفران200 درجة من بعد ندهنوهم ببيضة مطربة ممكن نرش على كل قطعة اللوز مهرمش أوزنجلان أو…ندخلهم لفرن الفرن اكون مشعول لفوق و لتْحت اُو الطّاوا تكون في لأسفل حثي يتحمروونخرجهم ندههم بالناباج أو لمربى .قبل مندهنوهم نزولوها من لمول مكتكونش لاصقة بسهولة كتزول وندهنها.
بالصحة