رفيسة بالحجل لذييذة
المقادير:
لتحضير الرفيسة يلزمنا تحضير الرغايف او الرزيزة هنا عملتها بالرغايف
مقادير العجين:
500غ فورص
500g فينو
500غ زرع مغربل مزيان
ملح الماء الكافي للعجن
طريقة تحضير الرغايق
كنجمعوا المكونات مزياااان وندلكوا ونخليوها ترتاح من بعد نشكلوا كويرات ونخليوهم يرتاحوا شوية ونبداو نكرصوهم مزيان خاص تكون الورقة رقيقة ونطيبوا
ونحتفظوا بهم في الجنب
من بعد نلويو الرغيفة ونقطعها بشكل دائري باش تجي الورقة محلولة
مقادير شرمولة الحجل
ملعقة كبيرة خرقوم
8 حجلات او حسب الافراد
ربطة قزبر ومعدنوس
حلبة
ملعقة صغيرة سمن
كنور
زيت الزيتون
ملعقة كبيرة سكنجبير
زعفران حر حبات من الثوم
كيلو بصل
ملعقة صغيرة ابزار
ملعقة صغيرة راس الحانوت
للتزيين
لوزمحمر2 رؤوس ثوم كاملة
نخلطوا جميع المكونات ونشرموا فيهم الحجل ويترك علا الاقل 2 ساعات
في طنجرة كنعملوا الحجل ونشعلوا النار يتشحروا شوية ونضيفوا البصل ونمرقوا ونخليوهم اطيبوا مزيان
من بعد ناخدوا الكسكاس ونعملوا فيه الرغايف غير اتفور ونحيدوه
ونحطوه في طبق التقديم ونحطوا الحجل ونمرقوا ونزينوا بالثوم واللوز