بالنسبة للجينواز غادي نفرقوا ابيض البيض على الاصفر و نطربوا الابيض مع سنيدة حتى يطلع ثم نزيدوا اصفر البيض و الدقيق و نخلطوا ثم نزيدوا الزيت و نديروها فالكادر ونطيبوها (هاد المقادير عطاتني 2 جينواز قياس الكادر 35×25).
بالنسبة للبافاغوا شوكولا غادي نخلطوا اصفر البيض مع سنيدة ثم نخويو عليه نصف لتر الحليب و يكون سخووون و احنا كنخلطوا ثم نزيدوا عليه الشكلاط و الجيلاتين.
بالنسبة للبيري فريز pureé faris غادي نطحنوا الفريز بالميكسور و شووووية ديال الماء ثم نزيدوا سنيدة و نوضعوه فوق البوطة حتى يغلى و نزيدوا عليه جيلاتين.
منين يبردوا الخليطين نخلطوهم و نطربوا 500 غرام كريم فريش و نضيفوها ليهم وها هي لاموس وجداات
فالاخير نديرو طبقة جينواز و طبقة لاموس ثم نخليهم يبردوا شوية وعاد نزيدوا طبقة جينواز ثانية عاد لاموس. وبالنسبة للتزيين انا درت الكلاصاج و الفريز بالشكلاط و الفرومبواز وبالصحة والراحة
