بسطيلات صغار بالحوت
المقادير:
قيمرون كلامار الفيليه او اي نوع من السمك المفضل الصويا الشعرية الصينية المعدنوس القزبر عصير الحامض القليل من الهريسة وملعقة صغيرة طماطم مصبرة الثوم ابزار كمون
ورقة البسطيلة بصل زيت الزيتونالقليل تحميرة ملح شوية كمون ورق سيدنا موسى الطريقة
في كسرونة نديرو الماء الحامض ورق سيدنا موسى حتا يطيب ونحطوا فيها السمك (ملاحظة: كل سمك كنديروه بوحدوا ونفس الطريقة للحوت الباقي) غير يطبخ شوية ونحيدوه الا الكلامار كياخد شوية ديال الوقت من بعد نديروهم ف صفاية ونخليوهم يقطروا مزيان
في مقلاة كنديرو البصل مع زيت الزيتون الملح ونحطوا الكلامار ونضيفوا القليل من الثوم ابزار ورق سيدنا موسى والهريسة الكمون والقليل من طماطم المصبرة الصويا ونشحروه مزيان نفس الشي لباقي السمك ونسلق الشعرية الصينية
في اناء كنحط جميع الاسماك ونضيف الشعرية ونخلط مزياان صافي من بعد كندوز لتعمار
كما العادة في مول صغير او علا طاولة العمل كنحطوا ورق البسطيلة او ورقتين ونحطوا الحشوة ونسدو بورق البسطيلة وكنجمعوا الجوانب للاسفل باش تجي مقادة وندهنوا بالزبدة والزيت وندخلو للفرن
والبصحة