تشيز كيك الاوريو و النوتيلا
انا استعملت مول بقطر 30 سم.
للقاعدة :
300غ بيسكوي اوريو نكونو حيدنا منو الكريمة و نخليوها جانبا.
100 غرام زبدة مدابة.
نطحنو البيسكوي مزيان و نجمعوه بالزبدة المدابة ، نسطحوه فالمول ديالنا مزيان بقاع كاس و ندخلوه للتلاجة الوقت اللي نصاوبو كريمة الجين.
كريمة الجبن بالنوتيلا :
400غ جبن ابيض ( ريكوطا او جبلي او فيلادلفيا)، انا ستعملت 2 جبلي.
350 غ نوتيلا.
750 مل كريمة سائلة.
4 اوراق جيلاتين و 100 مل كريمة سائلة.
الكريمة اللي حيدنا من بيسكوي الاوريو.
الطريقة :
نطربو الكريمة السائلة حتى الحصول على شانتي نزيدو الجبن الابيض و النوتيلا و كريمة البيسكوي و نخلطو.
نضع اوراق الجيلاتين في ماء بارد لمدة 10 دقاءق تم نعصروها من الما. ندفيو 100 مل من الكريمة السائلة و ندوبو فيها الجيلاتين. و نزيدوها على خليط الشانتي . نجبدو القاعدة نزيدو عليها كريمة الجبن و نديروها فالتلاجة ليلة كاملة او 4 سوايع فالمجمد.
التزيين حسب الرغبة انا زينت ببودرة الكاكاو و الشكلاطة.