قنيات محشيين بالفطر والزبيب والزيتون
المقادير
كناخدوا القنيات نغسلوهم مزيان وندهنوهم بالملح ونخليوهم شوية عاد نغسلوهم ونخليوهم اقطروا
ثوم ملح زيت الزيتون فطر زبيب لوز برقوق زيتون مقطع دوائر قزبر ومعدنوس مربوطين حامض مرقد هريسة شوية ابزار خرقوم سكنجبير ملعقة صغيرة راس الحانوت الزعفران الحر بصل كبد الدجاج او القنيات
طريقة تحضير الشرمولة
كناخدوا العطرية ونخلطوها مع الزيت والثوم مدقوق وندهنوا مزيان القنيات ونخليوهم اشربوا الشرمولة وقت اطول
طريقة تحضير الحشوة
كنرطبوا الزبيب في الماء من بعد في اناء كنديروا الزبيب الزيتون الحامض مرقد غير اللب فطر ملح زيت الزيتون هريسة معدنوس شوية من سكنجبير خرقوم زعفران كنوز ونخلطوا مزيان ونعمروا البطن ديالهم ونخيطوهم
من بعد في طنجرة كنحطوا القنيات ونشحروهم شوية مع البصل زيت الزيتون يمكنكم اضافة القليل من شحمة الغنمي للذة من بعد نمرقوا ونخليوهم شوية ونضيفوا الكبد ونخليوهم يطيبوا مزيان
من بعد نحيدوهم وناخدوا المرق نضيفوا الزيت ونخليوها تدغمر مزيان
من بعد نحطوهم في طبق التقديم ونزينوهم باللوز والبرقوق والزبيب الزيتون